Pādişāh-ı kān-ı iʿṭā şehriyār-ı pür-seḫā Şāh Sulṭān Muṣṭafā Ḫān-ı kerem-baḫş-ı cihān Ḥaḳ sirişte ettigiyçün māye-i iḥsān ile Oldu nūr-ı ẕātı(nı)ŋ elṭāfı dünyāya resān Ḳılmaġ ile bir ʿaṭiyye vaż’ her bayrām-ı fıṭr ʿIyd-ber- bālā-yı ʿıyd etdi seferli bendegān Yaʿni her sāl olunup efrāz-ı naḳd-i sikke-vār Vaḳf-ı merḥūm vālidi ʿAbdülḥamīd Ḫān’dan hemān Yevm-i ʿarfe cümleye tevzīʿ ü taḳsīm oluna Żābiti reʿyile tanẓīm ola şöyle her zamān Vāyedār olup Seferli Ketḫüdāsı yüz ġurūş Hem daḫı sercāme-şūy on beş ġurūş ala ʿıyān Ḥiṣṣe-i her bir nefer Aġa’ya düşsün tām onar Selḫ-i māh-ı rūzede her yıl bu şarṭ ola revān Her şeb-i cumʿa tilāvet olunup Yāsīn-i pāk Her şeb-i ḳandīl hem ḫatm-ı kelām-ı Müsteʿān Merḳad-i pür nūr-ı firdevs-āşiyāna bi’l-ḫulūs Ecr-i ḫatm ile ḳırāʾat oluna hep ʿarmaġān ʿÖmrü rūz-efzūn ola her dem ḫıdīv-i ʿālemin Tā behişti eyleye meʾvā ebi cennet-mekān Geldi bir tārīḫ ʿĀrif fikrime bu ḫayr içün Cūd-ı Sulṭān Muṣtafā ile Seferli buldu şān 1222 el-Faḳīr Yesārī-zāde Muṣtafā ʿİzzet ġufire lehümā