Ḫān-ı Maḥmūdüʾl-beşer şāh-ı kerūbiyyüʾs-siyer Dāver-i gerdūn-es̱er ʿālī-himem ḫurşīd-şān Müşterī-ṭāliʿ ʿUṭārid-menḳabet Behrām-ceng Mihr-rū meh-kevkebe encüm-sipeh çarḫ-āsitān Tīġ-ı ḳahrından geçüp bir bir belāsın buldılar Ṭāġiyān u bāġiyān u sürḫ-serān u Rūmīyān Cāmiʿ u tekye ḳılāʿ u çeşmeler bünyād idüp Ḳıldı zühhād ü cünūd u teşnegānı şād-mān Yapdı ez-cümle bu vālā ḳışlayı gerdūn mis̱āl Oldılar devrinde iḥyā cünd-i gerdūne-keşān İşte bu dergāh-ı rifʿat-dest-gāha reşk ider Āsumāndan seyr idüp ṭāḳın cünūd-ı ḳudsiyān Cenneti dünyāda seyr itsün cünūd-ı müslimīn Dāḫil olduḳça sekiz dāne ḳapusundan hemān Pertev-i iclāli virsün şarḳ u ġarba şaʿşaʿa Mihr ü mehle rūz u şeb döndükçe çarḫ-ı āsumān ʿAyniyā ben ḳulzüm-i ṭabʿımdan istiḫrāc idüp Bu iki tārīḫ-i gevher-bārımı itdim beyān Müjde gerdūne-keşānıŋ bitdi ʿālī ḳışlası (1239) Ṭāḳı vālā ḳışla yapdı Ḫān-ı Maḥmūdüʾz-zamān (1239)