Ḫān Maḥmūd-ı felek-cāh u muʿallā-dergāh Dāver-i ẓıll-ı İlāh aʿẓam-ı şāhān-ı cihān Ced-be-ced silsile-ber-silsile ol ḫayr-ı ḫalef Ḫusrev-i pāk-neseb şāh-ı aṣālet-ʿunvān Ḳāhir-i Rūm u ʿAcem ḳāmiʿ-i küfr ü bidʿat Māhi-i ehl-i şekā rāfiʿ-i zulm ü tugyān Ḳalʿası ṭopṭolıdır esliḥa vü leşker ile Kendi manṣūr-ı livā tīġ-ı ġuzātı bürrān ʿArabacılara bu ḳışlayı yapdı yeŋiden İtdi her bir ṭarafın ṭāḳ-ı felekle siyyān Hele bir mertebe maʿmūr u bülend oldı o kim Döndi yanında bir eski eve çarḫ-ı gerdān Şemse-i ṭāḳı virür şaʿşaʿa cirm-i şemse Oldı tuġrāsına hep cünd-i sürūşān ḥayrān ʿAskerin ġālib idüp tīġını keskin ide Ḥaḳ Ser-i aʿdāsı ola ḫākde her dem ġalṭān Cevherīn bu iki tārīḫimi Yāḳūt u ʿİmād Yazmaġa ṭālib olurlar idi ʿAynī heme ān Ḳışla bünyād olunup çarḫ-ı berīne döndi (1239) Yapdı gerdūne-keşān ḳışlasını şāh-ı zamān (1239)