Şehenşāh-ı hümāyūn-menḳabe Sulṭān Maḥmūd Ḫān Sevād-ı nüsḫa-i innā ce‘alnā āyet-i kübrā Şeh-i ref’et-şemā’il pādişāh-ı ma‘delet-şāmil Muḥīṭü’l-cūd Miṣbāḥü’l-hüdā Mebsūṭatü’n-na‘mā Fuṣūṣ-ı mekremet Mişkāt-ı ḥikmet Hermes-i hey’et Nuṣūṣ-ı fıṭrat Ādāb-ı belāġat Nuḫbetü’l-ārā O şāh-ı fā’ikü’l-eslāf kim Telvīḥ-i iḳbāli Bu gūne her Mevāḳıf’da olur Tavżīḥ icmālā Nevādir’dir bulınmaz sā’ir Eşbāh-ı Neẓā’ir’de Ṣıḥāḥ-ı Cevher-i aḫlāḳınuñ Ḳāmūs’ı bī-hemtā Muṭavvel’dir me‘ānī‘-i beyān-ı nüsḫa-ı vaṣfı Müfīd ü Muḫtaṣar Telḫīs’ini mümkin midir imlā O Ḥizbü’l-a‘ẓam u Ḥırzü’l-emānī’niñ ṣabāḥ u şām Delā’il ḳıldı Ḫayrāt’a vücūduñ ṣāni‘ü’l-eşyā Ḫuṣūṣā şimdi bir ḫayra muvaffaḳ oldu kim elḥaḳ Nice ḫayriyye-i fāniyyeden Muġnī disem aḥrā Ḥarīm-i Ka‘betü’l-‘uşşāḳ olan bu beyt-i ma‘mūre Bu gūne bir kütüb-ḫāne bināsın eyledi ibdā Gelen gelsin ṣalādur kām-cūy-ı fenn-i şettāya Künūzātü’d-daḳāyiḳ oldu bu kütüb-ḫāne-i ‘uẓmā Raṣadgāh-ı fünūna eyler idi bu cāyı Felāṭūn-veş Bulunsaydı bu devr-i ḫurrem içre Bū ‘Alī Sīnā Görenler ṭarḥ-ı maṭbū‘ın dediler Sāliḳā tārīḫ Bu nev dārü’l-kütüb īcād-ı sulṭān-ı cihān-ārā 1152