Ḫāḳān-ı memdūḥü’ş-şiyem dārā-yı İskender-ḥaşem Şāhenşeh-i ṣāḥib-kerem sulṭān-ı dīn ʿAbdülmecīd Erbāb-ı ʿirfān dāʾimā dergāhın etmiş mültecā ʿAṣrında her bay u gedā etmekdedir ʿīd üzre ʿīd Ceyş-i niẓāma himmeti iḥsān u luṭf u şevketi İḳbāl ü fevz ü nuṣreti olsun mezīd-ender-mezīd Ḥīn-i culūsundan beri maʿmūr ḳıldı her yeri Ez-cümle işte ʿaskeri kesb eyledi şevḳ-i cedīd Çoḳ ḳışlalar ābād ider mülkün ser-ā-pā şād ider Aşḫāneler bünyād ider ol sāye-i Rabb-i vaḥīd Yapdı muṣannaʿ nev-es̱er bu maṭbaḫı bir şīr-i ner Ẕāt-ı şerīfine meger emr eylemiş şāh-ı ferīd Ol āṣaf u Rüstem-veġā ordu müşīri ḥāliyā Yaʿnī ol Reşīd Paşa mānend-i [E]flātūn reşīd ʿĀrif temām tārīḫ yeri ʿaskerle ḳıldım mefḫarı Ecnāda vālā maṭbaḫı yapdı şeh-i Abdülmecīd 1259