Biŋ iki yüz oṭuz senesinde Ḳozbekçi başılıḳdan maḫrec dergāh-ı ʿalī gediklü zu’emālarından Geredeli el-Ḥāc Aḥmed Aġa ḥāl ü ḥayātında abā vü ecdādına ve baʿde vefātuhu kendü rūḥıyiçün ḥasbeteni’llāhi ta’alā ve tevessülen li-rūḥ-ı Muḥammed ʿaleyhi’s-selām be-her sene mevlūd-i şerīf ḳırāʿat olunmaḳ içün ve vilāyet-i Anaṭolu’da bināsına muvaffaḳ oldıġı Gerede ḳażāsında beg dīvānında Ḳaraköy’de Yıldırım Bāyezid Cāmiʿ-i şerīf ḫademesine vaẓīfe-i muʿayyene żımnında ikibiŋbeş yüz ġurūş vaḳf edip sekiz ḳıyye şeker ve sekiz ḳıyye şerbet ve miḳdār-ı kifāye ʿöd aġacı ve imām efendiye on ġurūş ve bir ḫatm-i şerīf içün beş ġurūş ve vāʿiz efendiye beş ġurūş ḫuddāmiyye ve ʿöşr-ḫāna on ġurūş ve vilāyet cāmiʿ-i şerīfi imāmına senevī yüz ġurūş ḥaṭīb efendiye onbeş ġurūş ve müezzin efendiye onbeş ġurūş ve sāʾir fażlasını taʿāmiye żammiyye ve bu vechile vażʿ şarṭ ḳılınmışdır Ḳozbekçi ocaġına Allāh’a emānetidir bu şarṭlardan ḥīç birini tenzīl ve noḳṣān etdirmeyesiz Allāh için 1225