Bāʾis̱-i alāmet Seferli Ketḫüdāsı Ketḫüdā-zāde Saʿīd Beg Ramażān-ı şerīfde ḳoġuşda beglik ṣofralara gelen taʿām sekizer ṣaḥān olup haftada ikişer ḳadayıf ve her iftār birer tābe yumurta ve taʿāmları nefīs olmaḳ içün fażla-i vaḳıfdan yüzṭoḳsan ġurūş ḫaṣekiye peşkīr ġulāmı maʿrifetiyle verilmesini meşrūṭa ḳılıp ve her bir ṣofraya beşer vaḳıyye reçel ve dörder vaḳıyye eşribe ve üçer vaḳıyye zeytin alınmaḳ içün mīr-i mūmāileyh daḫı nuḳūd-ı vaḳfa beş yüz ġurūş żamm eyleyip şöyle şarṭ ḳılınmışdır ki bu iki ṣofra ancaḳ Ramażān-ı şerīf maṣārifine kudreti olmayıp ve bir gedikde bulunmayıp ʿaczi olan aġavāt ḳarındaşlarımıza iṭʿām etdirilmesine ẓābıtān-ı vaḳf diḳḳat edip seferli ketḫüdāsı yerinde ve hücrede maḥfūẓ olan defter-i vaḳıflarda niẓām veridiġi şarṭ üzre düstūrü’l-ʿamel ṭutıla Sene 1224