Dārü’s-saʿādetü’ş-şerīfe aġası devletlü Meḥmed ʿĀrif Aġa ḥażretleriniŋ menḳabe-i saʿādet-vilādet Ḥażret-i nebevī ḳırāʾat-çün teberdārān-ı ḫāṣṣa ḳoġuşuna sekiz biŋ iki yüz elli ġurūş vaḳf etmiş ve be-her sene ḥāṣıl olan nemāsından ḳırḳ ġurūş Şeyḫ Efendi’ye ve ḳırḳ ġurūş ḳoġuş Mevlūd-ḫvāne ve ḳırḳ ġurūş ḳoġuş-ı mezkūr imāmı efendiye ve yigirmibeş ġurūş ḫatm eden efendiye ve oṭuz ġurūş ḳurrā efendiye ve elli ġurūş ʿaşir-ḫvān efendilere ve elli ġurūş ḫıdmet eden ḫademelere ve yigirmi ġurūş kitābet eden efendiye ve oṭuz ġurūş mütevellīye aʿṭā olunmaḳ üzere müşārünileyh ḥażretleri şarṭ etmiş olduġu maʿlūm olmaḳ içün işbu maḥalle ḳayd ü şerḥ verildi sene 1268 fī ġurre-i Receb [22 Nisan 1852]