Şāh-ı mebẕūlü’n-niʿam dādār-ı mecbūrü’l- kerem Ḥażret-i Sulṭān Maḥmūd Ḫān-ı gerdūn-iḥtişām Āb-rūy-ı şehriyārān şāh-ı şāhān-ı cihān Māʾil-i inʿām ü iḥsān faḫr-ı eslāf-ı kirām Bezm-i ḫān-ı luṭf u iḥsānında İskender nedīm Meclis-i şāhāne-i ḫāṣında Efrīdūn ġulām Pīşkīr-i bezm-i şānı aṭlas-ı āl-i şafaḳ Ḥāvī-i [? ]dūş-ı şükūhu neyyir-i tābende-fām Nāsa ikrāmı vefīr āfāḳa iḥsānı kes̱īr Cūdı meşhūd-ı zamān ās̱ārı meşhūr-ı enām Māye-baḫş-ı pīr ü bernā māʾil-i luṭf u ʿaṭā Münʿim-i aʿlā vü ednā muḥsin-i ḫāṣ u ʿavām Ol şeh-i ẕī-şānı ḫayra sevḳ idüp bir bendesi Maẓhar-ı ḫayr-ı duʿā ḳıldı cihānda ṣubḥ u şām [……………………………………………] Eyledi şāh-ı cihānbānā niyāz u ihtimām Ol şeh-i münʿim ḳabūl edip ricā vü minnetin Ser-tırāşān ḳullarına ḳıldı taʿyīn-i ṭaʿām Himmeti var olsun ol şāh-ı mekārim-güsterin Ḳılsın ālemde niçe ās̱ār ile ibḳā-yı nām Eyleye Rezzāḳ-ı ʿālem ol şehinşāhı daḫı Niʿmet-i dāreyn ile merzūḳ ber-vefḳ-ı merām Sāyesinde sāʿiḳ-i ḫayr olan ʿabd-i muḫliṣiŋ Şād ide dil-ḫāh u maṭlūbuyla Ḥayy-ı lā-yenām ........................................... ...........................................