Şehinşāh-ı zamānın ser-tırāş-ı pāk-kirdārı ʿAlī-himmet o Selmān-menḳabet aġa-yı bī-hemtā Bu maṭlaʿdan o necm-i burc-i devlet rū-nümā oldu Seferli-oṭası gūyā ṣadefdi ol dür-i yektā Nice ās̱ār ile taḥdīs̱-i niʿmet etdi ol cāya Olup mā-beynī-i Maḥmūd Ḫān-ı maʿdelet-pīrā Recebde biŋ ġurūş taḫsīs edip vaḳf-ı şerīfinden Olundu oṭa nevbetcisi olan dört aġa iġnā Yarımşar kīse taḳsīm eyledi evvel pazargāna Ki nevbet aḳçasına etmesinler vaż’-ı yed ḳaṭ’ā Muḳaddem resm idi altı gurūş nevbet içün ifrāz Aġalardan bu aḳçe baʿdezīn alınmaya aṣlā Bu da şāh-ı cihāna işte bir başḳa kerāmetdir Odur bu ḫayrı ʿabd-i ḫāṣına fermān eden zīrā Ḫudāvend-i zamānıŋ cünbiş-i ebrū-yı elṭāfı ’Ayāndır bendegāna rāh-ı Ḥaḳḳ’ı etdigi īmā O ḫāḳān aṣdıḳā-yı devletiyle ber-devām olsun Budur dil-ḫvāhımız ancaḳ be-ḥaḳḳ-ı ḥażret-i Mevlā S̱enā-gūy-ı ḳadīmi ʿİzzet’iŋdir cevherī tārīḫ Edip vaḳf-ı cedīd iḥyā duʿā aldı ʿAlī Aġa el-faḳīr Yesārīzāde Muṣṭafā ʿİzzet ġufire lehümā 1235